"ჩვენ ვიხილეთ მორიგი ცილისწამება და ტყუილი, რაც არაა გასაკვირი ნოდარ მელაძისგან. მზად ვარ, დავიკითხო სიცრუის დეტექტორზე, რომ არც 2 მილიონი ამიღია, არც 1 მილიონი და საერთოდ არც 1 ლარი. უბრალოდ, წარმოუდგენელი, ამაზრზენი ცილისწამებაა."- წერს "საქართველოს პატრიოტთა ალიანსის" გენერალური მდივანი ირმა ინაშვილი "ფეისბუქის" საკუთარ გვერდზე.
"ახლა მეორე: იგივე ტვ პირველი ამბობდა, რომ რუსებმა 8 მილიონი მოგვცეს არჩევნებზე. არადა არჩევნებზე 600 000-იც არ დაგვიხარჯავს და ეს უკვე დადასტურებული ფაქტია, რომ 500 000-ზე ცოტა მეტი დავხარჯეთ. თანაც, ნახევარი სახელმწიფო დაფინანსებაა.
მესამე- ვანო ჩხარტიშვილს ციხის კადრებთან არავითარი შეხება არ ჰქონია. მოკლედ- ყველაფერი მორიგი ტყუილია, მაგრამ რადგან ასე გსურთ - საზოგადოებას კვლავ გავახსენებთ და სრულ ჩანაწერებს ვაჩვენებთ, როგორ აწამებდით ხალხს. ხომ ეს გინდოდათ, თქვე სადისტებო."- წერს ირმა ინაშვილი.