გიხაროდეთ ყველას, რომ დღეს სიკეთე არის დასჯადი, - ამის შესახებ საოპერო მომღერალმა პაატა ბურჭულაძემ ჟურნალისტებს თბილისის საქალაქო სასამართლოში განუცხადა. 

„დღეს ისტორიული დღეა. გიხაროდეთ ყველას, რომ დღეს სიკეთე არის დასჯადი და უნდა გამოკითხონ ის ადამიანი, ვისაც ამდენი სიკეთე აქვს გაკეთებული. მაგრამ, რა ვქნათ, ვნახოთ. იმედი ვიქონიოთ, რომ სამართალი იქნება“, - განაცხადა ბურჭულაძემ. 

ბურჭულაძე სასამართლოში, სადაც ფონდ „იავნანას“ თანხების გაფლანგვის საქმეზე უნდა დაკითხონ, ცოტა ხნის წინ მივიდა.