ქართული ოცნება - დემოკრატიული საქართველო“ დღეს პოლიტსაბჭოს სხდომას და უმრავლესობის შეხვედრას გამართავს.

როგორც „ინტერპრესნიუსს“ პარტიიდან აცნობეს, შეხვედრები „ქართული ოცნების“ ცენტრალურ ოფისში გაიმართება.

პოლიტსაბჭოს სხდომა 15:00 საათზე დაიწყება, 16:00 საათზე კი უმრავლესობის შეხვედრაა ჩანიშნული.

მმართველი გუნდი შეხვედრებზე სავარაუდოდ, პრემიერ-მინისტრის თანამდებობის დატოვების შესახებ გიორგი გახარიას გადაწყვეტილებას განიხილავენ და შესაბამისად, მთავრობის ფორმირების საკითხზე იმსჯელებენ.