პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე საქართველოში საერთაშორისო სავალუტო ფონდის წარმომადგენელს სელიმ ჩაქირს შეხვდა.სამუშაო შეხვედრაზე  მხარეებმა განიხილეს:

 ქვეყნის მაკროეკონომიკური სტაბილურობა,საბანკო სექტორში არსებული მდგომარეობა, ფისკალური და მონეტარული პოლიტიკა, საბიუჯეტო საკითხები და ასევე   სავალუტო ფონდის 

„დაფინანსების მექანიზმით მხარდაჭერილი პროგრამის“ მიმდინარეობა.  

საფინანსო-საბიუჯეტო კომიტეტის თავმჯდომარე ირაკლი კოვზანაძემ  საქართველოში საერთაშორისო სავალუტო ფონდის წარმომადგენელს სელიმ ჩაქირს მადლობა გადაუხადა იმ ფინანსური და ტექნიკური მხარდაჭერისთვის, რომელიც სავალუტო ფონდმა საქართველოს პანდემიის წინააღმდეგ ბრძოლის მიმართულებით  გაუწია.