საქართველოს ყოფილი პრეზიდენტი მიხეილ სააკაშვილი უკრაინის გენერალური პროკურორის, იური ლუცენკოს მხრიდან უკრაინელი დეპუტატის, ნადეჟდა სავჩენკოს მიმართ წაყენებულ ბრალდებებს ეხმაურება.

„მე კარგად ვიცი, რა ხილია სავჩენკო, მაგრამ უკრაინის ხელისუფლებას ძალიან ეშინია არჩევნების. რაღაც მკარნახობს, რომ მათი საქმე ძალიან ცუდადაა, ვინაიდან ლუცენკო ასევე დაჟინებით ამტკიცებდა, რომ მე კურჩენკოს ფულით უკრაინის პარლამენტის აღებას ვაპირებდი. ასე ხდება, როდესაც ხელისუფლებაში სრული თაღლითები მოდიან. 

არა უშავს, მალე ჩვენ ამ მარაზმს ბოლოს მოვუღებთ - ყოველგვარი ძალადობის, სროლისა და ბომბების გარეშე“, - წერს სააკაშვილი.