1. ახალ ენას ისწავლით

ეს შეიძლება სრულყოფილი საბაბია სხვა ეროვნების ადამიანის ასარჩევად. თქვენ შეიძლება ორივე ერთ ენაზე ლაპარაკობდეთ, მაგრამ თქვენი ოჯახები - არა. ამიტომ, წყვილისთვის ერთმანეთის მშობლიურ ენაზე საუბარს, გაცნობისთვის გადამწყვეტი მნიშვნელობა აქვს. თანაც, როგორც ამბობენ, რამდენი ენაც იცი, იმდენი ადამიანი ხარ, ამიტომ ახალი ენის სწავლა, სამყაროს ახალი პერსპექტივით დანახვის იდეალური შესაძლებლობაა.

2. უფრო მეტს იმოგზაურებთ

რა თქმა უნდა, თუ მეუღლის ოჯახი საზღვარგარეთ ცხოვრობს, მრავალი მოგზაურობა მოგიწევთ. ეს შესანიშნავი შესაძლებლობაა, დაამატოთ მოკლე შვებულება ოჯახის და მეგობრების მოსანახულებლად. თანაც, კვლევის თანახმად, ხშირი მოგზაურობა აუმჯობესებს ურთიერთობებს კომუნიკაციის გაძლიერების გზით, რადგან წყვილები, რომლებიც უფრო მეტი მოგზაურობენ, განქორწინების ნაკლები მაჩვენებლით გამოირჩევიან.

3. უფრო მეტ დღესასწაულს აღნიშნავთ, ვიდრე ადრე

კულტურული ტრადიციების გაზიარება ნებისმიერი ურთიერთობის საინტერესო ნაწილია, განსაკუთრებით მაშინ, როდესაც საქმე დღესასწაულებს ეხება. ამ ბედნიერი მომენტების ერთად გაზიარება კი მყარი ქორწინებისა და ზოგადად, ურთიერთობების აუცილებელი პირობაა.

ამასთან, დღესასწაულების განუყოფელი ნაწილია სამზარეულო - სხვა სიტყვებით რომ ვთქვათ, ახალი საყვარელი კერძის აღმოჩენის შესაძლებლობა. ანთროპოლოგები მიიჩნევენ, რომ საკვები ძალიან მნიშვნელოვანია ჩვენი სოციალური ურთიერთობებისა და კომუნიკაციისთვის, რადგან ეს არის ის, რისი გაზიარებაც ერთად შეგვიძლია.

trend.ge