ამერიკელი კონგრესმენი, ადამ კინზინგერი რუსეთის ფედერაციის პრეზიდენტ ვლადიმერ პუტინს მკვლელს უწოდებს. ამის შესახებ კინზინგერი პოსტს „ტვიტერზე“ აქვეყნებს.
"რუსეთი არ არის ჩვენი მოკავშირე. პუტინი მკვლელია. ის ტირანია, რომლის სამიზნეც თავისუფლებისმოყვარე ხალხი და მათი არჩევანია. ის დაეხმარა ასადს მოეკლა 50 000 ბავშვი სირიაში და აწამეს აქტივისტები ბელარუსში. ის თესავს ქაოსს და დაუსჯელად მოქმედებს“ - წერს კინზინგერი.
კინზინგერამდე აშშ-ის პრეზიდენტმა ჯო ბაიდენმა განაცხადა, რომ მას პუტინი მკვლელად მიაჩნია. ბაიდენის ამ განცხადების საპასუხოდ კი ვლადიმერ პუტინმა მას ჯანმრთელობა უსურვა:
"რას ვუპასუხებდი მას? მე მას ვეტყოდი, ჯანმრთელად იყავით... ჯანმრთელობას ვუსურვებ. ბავშვობაში, როდესაც ეზოში ერთმანეთს ვეკამათებოდით ხოლმე, ვამბობდით: "ვინც იძახის, იძახის, თავის თავზე იძახის". ეს სიტყვები მხოლოდ ბავშვური არ არის, მასში ღრმა ფსიქოლოგიური აზრი დევს. როდესაც სხვებს ვაფასებთ, ჩვენ თითქოს სარკეში ვიყურებით და ჩვენს პრობლემებს სხვებს ვაკისრებთ“, - ამბობს პუტინი.
ამბები.ge