თბილისში, ლილოს დასახლებაში, სტურუას ქუჩაზე, საცხოვრებელ კორპუსში აფეთქება მოხდა.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, დაშავებულია ერთი ადამიანი, რომლის სახლშიც აფეთქება მოხდა. შემთხვევის დროს ის სახლში მარტო იმყოფებოდა.
„დაშავებული სასწრაფო-სამედიცინო დახმარების ბრიგადამ საავადმყოფოში გადაიყვანა. კორპუსიდან მოსახლეობის სრული ევაკუაცია განხორციელდა. ადგილზე არიან მეხანძრე-მაშველები და ელოდებიან მერიის შესაბამის სამსახურს, რომელიც კორპუსის მდგრადობას შეისწავლის“,- აცხადებენ საგანგებო სიტუაციების მართვის სამსახურში.
მათივე ცნობით, ამ ეტაპზე აფეთქების მიზეზის დადგენა მიმდინარეობს.