ძველი სწავლების, ფენ-შუის მიხედვით, ოთახის ზოგიერთ მცენარეს დადებითი ენერგიის გენერირების საოცარი თვისება გააჩნია. დღეს ჩვენი რედაქცია შემოგთავაზებთ რამდენიმე რჩევას, რომლებიც "მწვანე მეგობრების" არჩევაში დაგეხმარებათ.
ოთახის სასარგებლო მცენარეები
როზმარინი
თუ ძილთან დაკავშირებული პრობლემები გაწუხებთ, დადგით როზმარინის ქოთანი საძინებელში. ის შესანიშნავად ხსნის დაღლილობას და ეხმარება ორგანიზმს მოდუნებაში.
ლავანდა
ლავანდა სიყვარულისა და სიწმინდის ერთ-ერთი უძველესი სიმბოლოა. ეს ულამაზესი მცენარე თვალსაც გაახარებს და სიყვარულის ენერგიას მიიზიდავს.
ალოე
ალოეს სამკურნალო თვისებების შესახებ ყველასათვის ცნობილია. დადგით ეს მცენარე იმ ოთახებში, სადაც ავადმყოფი ადამიანები არიან. მიიჩნევა, რომ ალოე ხელს უწყობს სწრაფ გამოჯანმრთელებას.
ჟასმინი
ჟასმინის მფლობელები დროის განმავლობაში კომუნიკაბელურები და ხალისიანები ხდებიან. დადებითი ენერგიის მისაზიდად, რეკომენდებულია ჟასმინის ხის დადგმა ოთახის სამხრეთ ნაწილში.
ბამბუკი
ბამბუკი - ფენ-შუის ფილოსოფიის ერთ-ერთი თილისმაა. ფულის ენერგიის მისაზიდად, დადგით ეს მცენარე ოთახის სამხრეთ-აღმოსავლეთ ნაწილში.
პიტნა
მცენარე, რომელსაც ორგანიზმზე მაცოცხლებელი ეფექტის მოხდენა შეუძლია. იგი ხსნის დაღლილობას და აუმჯობესებს მეხსიერებას. ჩინელებს სწამთ, რომ პიტნის ქოთანი თითოეულ ოჯახში უნდა იყოს.
ვარდი
ვარდი სიყვარულის, ერთგულებისა და სიწმინდის სიმბოლოა. მკვეთრი წითელი ვარდის ბუჩქი მყარი ურთიერთობების შესანიშნავი თილისმაა.
მკურნალი