ჯეიმი ოლივერი მსოფლიო მასშტაბის ერთ-ერთი ყველაზე წარმატებული მზარეულია. ტელეგადაცემებმა მისი მონაწილეობით, მილიონობით ადამიანის გული დაიპყრო იმ გულწრფელობისა და ოსტატობის წყალობით, რომლითაც ის საკვების მომზადებას უდგება. მას ერთი შეხედვით მარტივი პროდუქტებისგან საოცარი კერძების მომზადება შეუძლია.
ასევე, შეფ-მზარეული ჯანსაღი კვების აქტიურ პროპაგანდას ეწევა, რის გამოც 2003 წელს ბრიტანული იმპერიის ორდენით დააჯილდოეს. ჩვენმა რედაქციამ რამდენიმე ყველაზე სასარგებლო რჩევას მოუყარა თავი, რომლებიც დაგეხმარებათ, გათავისუფლდეთ ზედმეტი წონისგან.
სწორი კვება წონაში დასაკლებად
ამას განსაკუთრებით წყალმცენარეები უწყობს ხელს. ადამიანები, რომლებიც დღეში 200 გრ წყალმცენარეებს მიირთმევენ, სხეულის შესანიშნავ ფორმას ინარჩუნებენ.
წიგნ "კვების სამინისტროს" ავტორი გვირჩევს, ყურადღება მივაქციოთ წყლის დღე-ღამის ნორმას. თუ გაქვთ საშუალება, ზედმეტი ნახევარი ლიტრი წყალი დალიოთ, აუცილებლად გააკეთეთ ეს! სხეული დამატებით 20% ენერგიას მიიღებს.
ლობიოს ან ბარდის მოხარშვისას არ გადაასხათ წყალი. საქმე იმაშია, რომ პარკოსნებში შემავალი С ვიტამინი სწორედ ამ წყალში მიდის ხარშვისას. საუკეთესო გადაწყვეტა - მოამზადეთ დიეტური წვნიანი ამ ნახარშისგან.
ჯეიმი გვირჩევს, ხშირად მოვიხმაროთ საკვებში ბატატი, რომელიც მდიდარია ანტიოქსიდანტებით და დადებითად ზემოქმედებს კუჭ-ნაწლავის ტრაქტზე.
ბატატი შეგიძლიათ მოამზადოთ, როგორც ჩვეულებრივი კარტოფილი: შეწვათ, გამოაცხოთ, მოხარშოთ ან უბრალოდ, პიურე გააკეთოთ.
აუცილებლად შეურიეთ ერთი შეხედვით შეუხამებელი პროდუქტები, მაგალითად, ფორთოხალი და შავი შოკოლადი. არსი იმაში მდგომარეობს, რომ ტვინმა მრავალფეროვანი სიგნალები მიიღოს. ამის წყალობით ხდება აქტიური სტიმულაცია, იღებ ენერგიასა და კარგ განწყობას.
არავითარი ნახევარფაბრიკატები - ეს აქსიომაა, რომელიც ყველამ უნდა დაიმახსოვროს.
კერძის მომზადებისას, ეცადეთ დაუმატოთ ბოსტნეული და მწვანილი. ეს გახლავთ სასარგებლო უჯრედისი, რომელიც წმენდს ორგანიზმს შლაკებისა და ტოქსინებისგან, ასევე, ხელს უწყობს წონაში დაკლებას.
დაიცავით დიეტა, რომელიც მოიცავს პროდუქტების ყველა ჯგუფს დაბალანსებულ პროპორციებში.
ნუ მოექცევით მკაცრ ჩარჩოებში. ჩაატარეთ ექსპერიმენტები სასარგებლო პროდუქტებით და ნუ გამოტოვებთ ხილისა და ბოსტნეულის სეზონს.
მკურნალი