მომღერალი და ყოფილი პრემიერის ვაჟი ბერა ივანიშვილი სოციალურ ქსელებში აღარ აქტიურობს და მისი გამომწერები ახალ ფოტოებს უფრო დიდი ინტერესით ელიან, ვიდრე ადრე.

ბერამ ცოტა ხნის წინ "ინსტაგრამ სთორიზე" ბერუკას ფოტოები გამოაქვეყნა, სადაც ბიჭუნას დახვეწილი სტილის, კლასიკური სამოსი აცვია. ბერუკას ახალი ფოტოებიდან ჩანს, რომ ის ძალიან დაემსგავსა ულამაზეს დედიკოს, ნანუკა გუდავაძეს.

ბერუკა დაბადებისთანავე ყურადღების ცენტრში მოექცა და საზოგადოებას თავიც მალევე შეაყვარა.

როდესაც ბერა აქტიურად მოიხმარდა სოციალურ ქსელებს, ხშირად აქვეყნებდა შვილთან ერთად გადაღებულ სახალისო ვიდეოებს. ასევე, საკუთარ გამომწერებს უზიარებდა, თუ როგორ ეთამაშებოდა ბაბუა - ბიძინა ივანიშვილი საყვარელ შვილიშვილს.

ბერუკა ჯერ მხოლოდ ერთი წლისაა და მას უკვე გულშემატკივრების მთელი არმია ჰყავს. ნანუკასა და ბერას გამომწერები ბიჭუნას მოსაფერებლად დადებით კომენტარებს არ იშურებენ და აღნიშნავენ, რომ ბერუკა ძალიან ლამაზი ბავშვია.

ცოტა ხნის წინ ოჯახი სამხრეთ კორეის დედაქალაქს, სეულს სტუმრობდა. თუმცა უცნობია, სად იმყოფება ოჯახი ამჟამად და სად არის ეს ფოტოები გადაღებული.

მარაო