ცნობილი ქართველი ჟურნალისტი ინგა გრიგოლია სოციალურ ქსელში ერთერთი ქალბატონის სახელსა და გვარს აქვეყნებს და წერს, რომ მას ეძებს.

ჟურნალისტი არ აკონკრეტებს რა შინაარსის საქმე აქვს, ან რა მიზნით ეძებს აღნიშნულ ქალს. გრიგოლია გამოხმაურებებს ელის და საზოგადოებას სთხოვს, თუ ვინმეს, ამ პიროვნების შესახებ ინფორმაცია აქვს, მიაწოდოს და მის მოძებნაში დაეხმაროს.

„მეგობრებო, ვეძებ ასეთ პიროვნებას-თამარ ქიმაძეს და ვინმე თუ იცნობთ, იქნებ რამენაირად მაპოვნინოთ. დიდი მადლობა“, - წერს ინგა გრიგოლია.

მის ამ პოსტს მისსავე კედელზე ბევრი გამოხმაურება არ აქვს, თუმცა, ჟურნალისტს ურჩიეს, რომ ეს ინფორმაცია ფეისბუქში ახლადშექმნილ საზოგადოებრივ ჯგუფში „ვეძებ“ დაწეროს და იქ მოძებნა ბევრად ეფექტური იქნება.

შეგახსენებთ, ხსენებული ჯგუფი ჟურნალისტ თამუნა მუსერიძის ინიციატივით შეიქმნა. ის თავად ეძებს მშობლებს და საკუთარ წარმომავლობას. ამდენად, ამ ჯგუფში ძირითადად დაკარგულ შილებს, მშობლებს და დედმამიშვილებს ეძებენ.

intermedia.ge