კულტურის კომიტეტის თავმჯდომარე ელისო ბოლქვაძე კომპოზიტორ კახა ცაბაძეს შეხვდა. შეხვედრაზე  სახელოვნებო განათლების შესახებ იმსჯელეს და სამომავლო გეგმებზე ისაუბრეს.

„კახა ცაბაძე სწორედ ის შემოქმედია, ვინც ოთხი ათეული წელია უშურველად ემსახურება მომავალი თაობების ესთეტიკური აღზრდის ეროვნულ საქმეს. კომპოზიტორის ნაწარმოებებზე გაიზარდა არაერთი თაობა. დღევანდელ შეხვედრაზე სახელოვნებო განათლების  სფეროში არსებულ პრობლემებზე ვისაუბრეთ და  დავსახეთ  მომავალი გეგმები, რომელშიც იგი აქტიურად ჩაერთვება“ , - განაცხადა ელისო ბოლქვაძემ.