"ოქტომბრის ადგილობრივი არჩევნების მთავარი ინტრიგა არა თბილისის მერის არჩევნები, არამედ რიგგარეშე არჩევნების დანიშვნის საკითხია. სტრატეგიაც ამის შესაბამისად უნდა იყოს შემუშავებული და არა იმ საკითხის "ჩახვევით", ვინ იქნება თბილისის მერი", - ამის შესახებ ექსპერტი გია ხუხაშვილი "ფეისბუქის" პირად გვერდზე წერს:

"და თუ ამოცანაა რიგგარეშე არჩევნები, რატომ განიხილება ნიკა მელია მერობის და არა პრემიერ-მინისტრობის კანდიდატად?

მერი მნიშვნელოვანი პოსტია, მაგრამ "ნაციონალური" ლიდერისთვის ეს ერთგვარი დაკნინება უფრო იქნება, ვიდრე რევერანსი.

მაშინ რატომ აქტიურობს ნაც. მოძრაობის ზოგიერთი წარმომადგენელი ამ კუთხით?

შესაძლოა ესაწყობდეს სააკაშვილს, რადგან მელიას მერის კანდიდატად დაყენების შემთხვევაში, ის ჩამოიშორებს უხერხულ კონკურენტს. გახდება მელია მერი თუ ვერა, მიშა ორივე შემთხვევაში მოგებული დარჩება. პირველ შემთხვევაში არჩეულ მერს პრემიერობაზე პრეტენზია ვერ ექნება. მეორე შემთხვევაში მითუმეტეს.

#მიშამაციცისტრიუკები", - წერს ხუხაშვილი.

კვირის პალიტრა