საჭირო ინგრედიენტები: 1 ჭიქა ყავისფერი შაქარი, 200 გრამი ფხვიერი ორცხობილა, 100 გრამი კარაქი, 500 გრამი ხაჭო, 200 გრამი შავი შოკოლადი, 100 მილილიტრი 33-პროცენტიანი, სქელი ნაღები, 200 გრამი მარწყვი, 20 გრამი ჟელატინი, 100 მილილიტრი წყალი, 1 შეკვრა ქოქოსის ფხვნილი, პიტნის ფოთლები – მოსართავად.
მომზადების წესი: აიღეთ 50 გრამი შავი შოკოლადი. დაამტვრიეთ, მოათავსეთ ცეცხლგამძლე თასში, დაუმატეთ შაქარი, კარაქი და გაადნეთ ცხელი წყლის აბაზანაზე. ორცხობილა დაფხვენით, მოაყარეთ შოკოლადიან მასას და კარგად აურიეთ. აიღეთ 22 სანტიმეტრის დიამტრის ფორმა. ჩაუფინეთ ფსკერზე ფოლგა. ჩატკეპნეთ მასში ბისკვიტი. ხელით კარგად მოუსწორეთ ზედაპირი და ფორმა მაცივარში მოათავსეთ.
აიღეთ 150 გრამი შოკოლადი. დაამტვრიეთ. მოათავსეთ პატარა ჯამში. დაასხით 100 მილილიტრი ნაღები. გაათბეთ და ნელ-ნელა გაადნეთ. შემდეგ გააცივეთ, შეურიეთ ხაჭოს და ათქვიფეთ მიქსერით.
დაალბეთ ჟელატინი წყალში. რომ გაფუვდება, გაადნეთ. შემდეგ გააცივეთ. მარწყვი კარგად გარეცხეთ, დაჭერით და ჩაყარეთ გამდნარ ჟელატინში. შემდეგ ჩაასხით ხაჭოს მასაში და კარგად აურიეთ. გამოიღეთ ბისკვიტი, ეს მასა დაასხით მასზე, მოუსწორეთ. ზედაპირი და ფორმა ისევ მაცივარში მოათავსეთ. 4 საათის შემდეგ გამოიღეთ. მოაყარეთ ქოქოსის ფხვნილი. მორთეთ მარწყვითა და პიტნის ფოთლებით.
თბილისელები