რადიკულიტის პროფილაქტიკა გულისხმობს ხერხემლის ტრავმების თავიდან აცილებას. ასევე, ერიდეთ გადაცივებასა და ორპირ ქარს. სამკურნალო ფიზკულტურა, სპორტით ზომიერი დატვირთვა ზურგს ამაგრებს და რადიკულიტის პროფილაქტიკას უზრუნველყოფს.

???? კარგია მოხარშული ვერხვის ფოთლების კომპრესები და აბაზანები. ვერხვის კვირტებისა და ფოთლების ნაყენი: 1 სუფრის კოვზს დაასხით 1 ჭიქა მდუღარე წყალი, გააჩერეთ 1 საათი და მიიღეთ 1-2 სუფრის კოვზი დღეში 5-6-ჯერ. ქერქის ნაყენი: გამომშრალ, დაქუცმაცებულ ქერქს დაასხით წყალი (1:20), ადუღეთ მდუღარე წყლის აბაზანაზე 30 წუთის განმავლობაში და მიიღეთ 1-2 სუფრის კოვზს დღეში 3-4-ჯერ. მალამო: აიღეთ თანაბარი რაოდენობის დაფშვნილი კვირტი და ნაღების კარაქი და ერთმანეთში აურიეთ.

????საჯდომი ნერვის ანთებისას 1 სუფრის კოვზ გვიმრის ფესურას დაასხით 1 ჭიქა ადუღებული წყალი, დადგით დაბალ ცეცხლზე 15-20 წუთის განმავლობაში და გადმოდგმის შემდეგ 2 საათით გააჩერეთ. მიიღეთ თითო ყლუპი დღეში 3-4-ჯერ, ჭამამდე 30 წუთით ადრე. ფრთხილად, მცენარე შხამიანია!

????სუფთა რბილი ქსოვილი დაასველეთ შავი ბოლოკის წვენში, დაიდეთ მტკივან ადგილზე, შეიხვიეთ თბილი ქსოვილით. თუ არ გექნებათ ძლიერი წვა, კომპრესი შეიძლება 2-3 დღეს დაიტოვოთ. აუცილებლობის შემთხვევაში პროცედურა გაიმეორეთ.

???? ქრონიკული რადიკულიტის დროს რეკომენდებულია საფუვრიანი ჭვავის ცომის კომპრესი. თავდაპირველად წელი სკიპიდარით უნდა გაიწმინდოთ, ვიდრე კანი არ გაწითლდება, შემდეგ მტკივან ადგილზე დაიდოთ დოლბანდში გახვეული ცომი, ზემოდან დაიფაროთ გასანთლული ქაღალდი, შემდეგ კი – ქსოვილი და 40 წუთს გაიჩეროთ. კომპრესი კეთდება დღეგამოშვებით. წვის შეგრძნების შესამცირებლად დალიეთ ფინჯანი თბილი რძე, რომელშიც გახსნილია 1 ჩაის კოვზი საჭმელი სოდა. თუ კანი დაგეწვათ, მკურნალობა დროებით შეწყვიტეთ. მოსარჩენად საკმარისია 3-5 კომპრესი.

???? წვრილად დაკეპეთ ნიორი და ძილის წინ 5-7 წუთით დაიდეთ მტკივან ადგილზე. ყურადღებით იყავით, კანი არ დაგეწვათ. ამის შემდეგ მტკივან ადგილას შეიზილეთ მზესუმზირის ზეთი და ღამით თბილად შეიხვიეთ.

ვარჯიშები კისრის რადიკულიტის დროს:

საწყისი მდგომარეობა – ჯდომითი ან დგომითი, ფეხები – მხრების სიგანეზე, მხრები, გულმკერდი და წელი უძრავადაა, სუნთქვა ერთგვაროვანია, მუცლისმიერი. იყურეთ მოძრაობის მიმართულებით. თითოეულ მხარეს უნდა შესრულდეს 10-15 მოძრაობა. ვარჯიშის დროს თავის მოძრაობა უნდა იყოს მსუბუქი, ნელი, კისრის კუნთები – მოდუნებული. ჩაისუნთქეთ, როცა თავი შუაშია, ამოსუნთქეთ თავის მოძრაობისას.

* თავი დახარეთ რაც შეიძლება მეტად და შეეხეთ მკერდს. ამ დროს კისერში იგრძნობთ დაძაბულობას.

* დახარეთ თავი მარჯვნივ და მარცხნივ, ამ დროს მხრები არ უნდა ამოძრაოთ და ეცადეთ, მხრებს ყურებით შეეხოთ.

ძაღლის პოზა????:

წარმოიდგინეთ, რომ ცხვირიდან კეფამდე ღერძია გავლებული. თავი ატრიალეთ ამ წარმოსახვითი ღერძის გარშემო ისე, თითქოს ნიკაპი ცხვირის ირგვლივ ტრიალებს. ეს ვარჯიში ტარდება სამ ვარიანტად: თავი – პირდაპირ, თავი დახრილია წინ და თავი გადაწეულია უკან.

კობრას პოზა????:

საწყისი მდგომარეობა – დაწექით იატაკზე პირქვე, ფეხები – ერთად, ფეხის წვერები – უკან გაჭიმული, ხელები უნდა მოხაროთ ისე, რომ თითისწვერები მხრების დონეზე იყოს, იდაყვებით ოდნავ შეეხეთ ტანს.
ჩასუნთქვისას თავი მაქსიმალურად მაღლა აწიეთ, კისრის კუნთები დაჭიმეთ.
შემდეგ ზურგის კუნთების დახმარებით ჯერ მხრები წამოწიეთ, მერე – სხეულის ზედა ნაწილი.
მუცლით იატაკს დაეყრდენით, ხელები კი მოადუნეთ.

როცა ზურგის კუნთები ბოლომდე შეიკუმშება, წამოწევა ხელების დახმარებით განაგრძეთ. ბოქვენის არე იატაკს არ უნდა მოშორდეს. შეჩერდეთ ამ პოზაში 5-10 წამს.

* ამოძრვეთ მხრები წრიულად, თავდაპირველად – მონაცვლეობით, მერე კი – ორივე ერთად, ჯერ წინ, მერე უკან. აწევისას ჩაისუნთქეთ, დაშვებისას კი ამოისუნთქეთ.

* გადააჯვარედინეთ თითები კეფის უკან და თავი დახარეთ ისე, რომ ნიკაპით მკერდს შეეხოთ. დახუჭოთ თვალები. მცირე ხანს შეყოვნდით და ნელ-ნელა დაუბრუნდით საწყის პოზიციას.

* ნელა მოაბრუნეთ თავი და ჩამოდეთ ნიკაპი მარჯვენა ხელისგულზე. მარცხენა ხელით დააფიქსირეთ კეფა. თავი ხელებით ნელ-ნელა შეატრიალეთ მარჯვნივ – რამდენადაც შესაძლებელია. თვალები დახუჭეთ, გაჩერდით ამ პოზიციაში მცირე ხანს და ნელ-ნელა დაუბრუნდით საწყის მდგომარეობას. შეცვალეთ ხელების მდგომარეობა და შეასრულეთ იგივე ვარჯიში.

თბილისელები