„ა სტუდიოს“ სოლისტი, ქეთა თოფურია თბილისში ჩამოვიდა, ამის შესახებ მისი სოციალური ქსელიდან ვიგებთ.

ქეთა თოფურიამ შვილს, ოლივიას 6 წლის იუბილე საქართველოში გადაუხადა.

უკვე წლებია ქეთა დაბადების დღეს შვილს საქართველოში უხდის.

ქეთამ შვილთან ერთად გადაღებული ფოტოები გამოაქვეყნა, სადაც წერს:

„6 წლის წინ ეს გოგონა გამოჩნდა ჩემს ცხოვრებაში, 6 წლის წინ მე გავხდი დედა, 6 წლის წინ მან ასე გამახარა! და მე მადლობელი ვარ, რომ შენ ამირჩიე.

იყავი ბედნიერი და ჯანმრთელი და იცოდე, რომ დედა ყოველთვის აქ არის! გილოცავ დაბადების დღეს, ჩემო სიცოცხლე!,“- წერს ქეთა თოფურია.

ქეთა თოფურია ყოველ ზაფხულს საქართველოში ატარებს ხოლმე და სხვადასხვა ადგილს სტუმრობს. მას ძალიან უყვარს კერძო სახლში დასვენება, რომელიც წყნეთში აქვს.

ინფორმაციისთვის, ქეთას პირველი ქორწინებიდან პატარა გოგონა - ოლივია გეიხმანი ჰყავს, რომელიც ქეთასთან მოსკოვში იზრდება და პერიოდულად მამასაც ნახულობს. მეორე შვილი კი ლევ დენგოვისგან ჰყავს.

digest.ge