ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრი, მარიამ ლაშხი ასამბლეის საზაფხულო სესიის პლენარულ სხდომაზე სიტყვით გამოვიდა.
ასამბლეის სხდომაზე, რომელიც ჰიბრიდულ ფორმატში გაიმართა, კოვიდ 19-ის შედეგად გამოწვეული სოციალურ-ეკონომიკური კრიზისის დაძლევის შესახებ იმსჯელეს.
მარიამ ლაშხმა, საქართველოს სახელით, მხარი დაუჭირა რეზოლუციას, რომელიც კოვიდ პასპორტებსა და სერტიფიკატებს ეხებოდა. მისი შეფასებით, ამ მიმართულებით, საქართველო ერთ-ერთი მოწინავე ქვეყანაა.
„დანერგილია ვაქცინაციის დოკუმენტი უნიკალური ბარ კოდით, ამასთან შექმნილია ანდროიდის აპლიკაცია რომელიც სულ მალე დაინერგება და ვაქცინირებულ ადამიანებს შეეძლებათ ელექტრონულად ჰქონდეთ ინდივიდუალური ვაქცინაციის დოკუმენტაცია“,- აღნიშნა დეპუტატმა.
საქართველოს პარლამენტის წევრმა, სიტყვით გამოსვლისას, ხაზი გაუსვა მონაცემების უსაფრთხოების საკითხს და ამ მიმართულებით, ჩართულ მხარეებს, მუშაობის გააქტიურებისკენ მოუწოდა.