იურიდიულ საკითხთა კომიტეტის თავმჯდომარე, ანრი ოხანაშვილი კანადის პარლამენტის ყოფილ წევრს, სარმიტ ბულტეს შეხვდა. შეხვედრაზე აღნიშნა, რომ კანადის ყოფილ დეპუტატს საპარლამენტო ცხოვრების, განსაკუთრებით კი თემატური მომხსენებლის კუთხით, მრავალწლიანი გამოცდილება აქვს. მხარეებმა საქართველოს საპარლამენტო ცხოვრებაში თემატური მომხსენებლის ინსტიტუტის კიდევ უფრო აქტიურად დანერგვის მიმართულებები განიხილეს და საინტერესო დისკუსია გამართეს.

„ჩვენი მიზანია თემატური მოკვლევის ინსტრუმენტი, რომელიც საქართველოს პარლამენტის რეგლამენტში გვაქვს, კიდევ უფრო გავაუმჯობესოთ და პრაქტიკულად გამოყენებადი გავხადოთ. ამ მიმართულებით  სხვადასხვა ქვეყნის გამოცდილების გაცნობა და რეგლამენტში შესაბამისი ცვლილებების შეტანა იგეგმება, რათა თემატური მოკვლევის ინსტრუმენტი, პარლამენტის წევრების ხელში, კიდევ უფრო ქმედითი და აქტიური გავხადოთ“, - განაცხადა ანრი ოხანაშვილმა.

ანრი ოხანაშვილის და სარმიტ ბულტეს შეხვედრას გაეროს განვითარების პროგრამის (UNDP) წარმომადგენლები დაესწრნენ.