5 ივლისს დაგეგმილი „თბილისი პრაიდის“ კონტრაქციის ორგანიზატორებმა საკუთარ გეგმებზე პრესკონფერენციაზე ისაუბრეს. გურამ ფალავანდიშვილმა შეკრება 30 ივნისს დააანონსა.

შეგახსენებთ, რომ 1-ელიდან 5 ივლისის ჩათვლით, „თბილისი პრაიდის“ კვირეულის გამართვა იგეგმება.

პარალელურად ანონსდება „ღირსების მარშის“ გამართვა. „ღირსების მარშის” სლოგანი „გამოდი სოლიდარობისათვის“ იქნება.

„ჩვენ, 1-დან 5 ივლისამდე, თუ რამე აქტივობა ექნებათ მათ, კლუბში იქნება, დახურულ, თუ ღია სივრცეში, ყველგან მივალთ რათა მას ხელი შევუშალოთ. 4 ივლისს, 7 საათიდან მეტრო რუსთაველთან დავცემთ კარვებს, ჰუმანური მეთოდებით წავართმევთ პლაკატებს და ხელკავით გავიყვანთ მოედნიდან, არა ცემით, არა კომბლით, არა ტაბურეტით, არამედ ხელკავით წავართმევთ პლაკატებს,“ - განაცხადა გურამ ფალავანდიშვილმა.