აქ მოვედი ჩემი ქვეყნის გამო, რომ ეს ქვეყანა არ ჩაბარდება რუსეთს - ესენი რუსები არიან, - ამის შესახებ პარლამენტთან მიმდინარე მდუმარე აქციაზე პოლიტიკოსმა გიგი უგულავამ განაცხადა.

მისი თქმით, გუშინ განვითარებული მოვლენებით გამიზნული ბრძოლა იყო თავისუფალ მედიასთან.

"ეს იყო პირდაპირ გამიზნული ბრძოლა თავისუფალ მედიასთან იმიტომ, რომ გუშინ სხვა არავინ იყო, გარდა ჟურნალისტებისა. გუშინ ჟურნალისტების ცემა-ტყეპის მეტი არაფერი გვინახავს. აქ მოვედი ჩემი ქვეყნის გამო, იმიტომ, რომ ეს ქვეყანა არ ჩაბარდება რუსეთს. ესენი რუსები არიან, ყველაფერი გაშიშვლდა გუშინ", - განაცხადა უგულავამ.

შეგახსენებთ, რომ პარლამენტთან გუშინ განვითარებული მოვლენების მიმართ სოლიდარობის ნიშნად მდუმარე აქცია მიმდინარეობს. აქციის დაწყებამდე ადგილზე გამოჩნდნენ „თბილისი პრაიდის“ მოწინააღმდეგეები. ისინი აცხადებენ, რომ დაგეგმილ აქციას ჩაშლიან. ადგილზე მობილიზებულია პოლიცია.