პარლამენტის თავმჯდომარე კახა კუჭავა ზაზა გახელაძის გათავისუფლების ფაქტს ეხმაურება.

„ერთ წელზე მეტი ხნის განმავლობაში უკანონოდ დაკავების შემდეგ, ზაზა გახელაძე მის ოჯახს დაუბრუნდება. სტრატეგიული პარტნიორების თანამიმდევრული მხარდაჭერით, ოკუპაცია მალე დასრულდება! ოკუპაცია დროებითია“, - წერს კუჭავა „ტვიტერზე“.

ცნობისთვის, ზაზა გახელაძე საოკუპაციო რეჟიმის წარმომადგენლებმა უკანონოდ 2020 წლის 11 ივლისს დააკავეს. ცხინვალის დე ფაქტო უზენაესმა სასამართლომ მას 12 წლით და 6 თვით პატიმრობა მიუსაჯა.