მთავარი კითხვა გომელაურთან არის 5 ივლისთან მიმართებაში - რატომ ვერ უზრუნველყო პოლიციამ 5 ივლისს მშვიდობიანი მოქალაქეების და ჟურნალისტების დაცვა,- ამის შესახებ ჟურნალისტებთან "მოქალაქეების" დეპუტატმა, ვიცე-სპიკერმა ლევან იოსელიანმა განაცხადა.
მისი თქმით, შსს- მ ვერ აღკვეთა თავდასხმები, რომელიც მთელი დღის განმავლობაში მიმდინარეობდა.
"ეს არ იყო ერთჯერადი აქტი, მხოლოდ დილით, ეს გრძელდებოდა მთელი დღის განმავლობაში. შსს- ს ჰყავს საკმარისად დიდი რაოდენობის თანამშრომლები, საკმარისი აღჭურვილობა და ტექნიკა აქვთ, რომ მოეხდინათ ეფექტური რეაგირება. ეს კითხვები მექნება ძირითადად მის მიმართ", - განაცხადა იოსელიანმა.
ცნობისთვის, დღეს საქართველოს პარლამენტში, რიგგარეშე სესიაზე საქართველოს შს მინისტრს ვახტანგ გომელაურს მოუსმენენ.
Facebook
მხარე.ჯი YOUTUBE_ზე
მხარე.ჯი myvideo.ge_ზე
571804080
