პარტია „გირჩის“ თავმჯდომარე იაგო ხვიჩია აცხადებს, რომ თბილისის მერობის კანდიდატად ისეთი პირი უნდა დაასახელოს, ვისაც კახა კალაძისთვის მოგება შეეძლება, რადგან მოქმედი მერის დამარცხება ადვილი საქმე არაა.

მისი თქმით, კახა კალაძე ნებისმიერი ოპოზიციონერის სერიოზული კონკურენტია.

„მე არ ვუყურებ კახა კალაძეს როგორც კორუფციონერსა და დამნაშავეს. ნებისმიერ შემთხვევაში ვინც არ უნდა დაასახელოს ოპოზიციამ კახა კალაძე იქნება ძალიან სერიოზული კონკურენტი ნებისმიერი ნებისმიერი ჩვენგანის, ოპოზიციიდან. რამე უნდა მოიფიქროს ყოველ შემთხვევაში, მარტივი არ არის გასცდე კახა კალაძეს და გოლი გაიტანო“, - აღნიშნა იაგო ხვიჩიამ.