კორონავირუსით ინფიცირებულმა ინდონეზიელმა კაცმა გადაწყვიტა, აეროპორტის თანამშრომლები მოეტყუებინა და მუსლიმი ქალების თავსაბურავით - ნიქაბითა და შესაბამისი კაბით შემოსილმა, მათ თავი საკუთარ ცოლად წარუდგინა, - ამის შესახებ BBC წერს.

კაცს თან ჰქონდა მეუღლის პასპორტი და კორონავირუსის ტესტზე უარყოფითი პასუხის დამადასტურებელი დოკუმენტი.

თვითმფრინავი ქვეყნის საზღვრებში, შიდა ფრენას ასრულებდა. შესაძლოა, კაცი ვერც გამოეჭირათ, რომ არა მისი ქცევა - მგზავრმა, ფრენის დროს, სამოსი გაიხადა და კაცის ტანსაცმელში გამოეწყო, რასაც ბორტგამცილებლის განგაში მოჰყვა.

თვითმფრინავი მაშინვე დასვეს და კაცი იზოლაციაში გადაიყვანეს.

imedinews.ge