ლენტეხის მუნიციპალიტეტის მერმა, ბადრი ლიპარტელიანმა მუნიციპალიტეტის წარმატებული სპორტსმენები დააჯილდოვა, რომლებმაც მსოფლიოსა და ევროპის ჩემპიონატებზე ისახელეს თავი. მერიისგან ჯილდო მიიღეს:
ეთერ ლიპარტელიანმა- მიმდინარე წლის 2 მარტს, ჩეხეთის დედაქალაქ პრაღაში ევროპის ღია პირველობაზე ვერცხლის მედალი მოიპოვა ჭიდაობა ძიუდოში; საქართველოს და ევროპის მრავალგზის ჩემპიონია. შარშან, ნოემბერში ევროპის ჩემპიონატზე ბრინჯაოს მედალი, ხოლო სექტემბერში იუნიორებს შორის- ვერცხლის, აგვისტოში ევროპის თასზე ასევე
ვერცხლის მედალი მოიპოვა.
ლევან გუგავამ- 2017 წ. სერბეთში გამართულ მსოფლიო ჩემპიონატზე ჭაბუკ სამბისტთა შორის, პირველი ადგილის და ოქროს მედლის მფლობელი გახდა. 2016წ. ევროპის ჩემპიონი გახდა სამბოში. არის საქართველოს და ევროპის მრავალგზის ჩემპიონი.
ავთანდილ მუკბანიანმა- 2018 წ. ოქტომბერში გამართულ მსოფლიო ჩემპიონატზე ჭაბუკ სამბისტთა შორის, ოქროს მედალი მოიპოვა. არის საქართველოს მრავალგზის და ევროპის ჩემპიონი.
თითოეულ მათგანს, ლენტეხის მუნიციპალიტეტის მერიისგან ფულადი ჯილდო (1000ლ.) გადაეცათ.