ქედს ვიხდი შენს წინაშე – მიმართა მსახიობმა და ტელეწამყვანმა ია ფარულავამ რეჟისორ ქეთი დოლიძეს მას შემდეგ, რაც რეჟისორმა თუმანიშვილის თეატრის შექმნის ისტორია გაიხსენა.

„არავინ გაბედოს ამის დამახინჯება, დაბოღმილმა თეატრმცოდნეებმა და სხვებმა”, – აღნიშნა გადაცემა „ფარულ კონვერტში“ ქეთი დოლიძემ.

მისი თქმით, თუმანიშვილის თეატრი თანამოაზრეებთან ერთად შექმნა, მისი პედაგოგის, მიხეილ თუმანიშვილის საპატივსაცემოდ. ახლად დაარსებული დასი კი რეპეტიციებს ღამის 12 საათიდან დილის 6 საათამდე ჯერ მეგობრის სახლში, შემდეგ კი მამამისის, რეჟისორ სიკო დოლიძის მიერ დათმობილ კინოსტუდიის დარბაზში გადიოდა.