გლდანში კორონავირუსის გამო, ერთ-ერთი საცხოვრებელი კორპუსი მთლიანად ჩაიკეტა.

„მთავარი არხის“ ინფორმაციით, კორპუსში, სადაც დევნილები ცხოვრობენ ერთ-ერთი ოჯახის 3 წევრს კორონავირუსი დაუდგინდა.

სამართალდამცველებმა კორპუსის ჩაკეტვის გადაწყვეტილება მიიღეს.

COVID-19-ით ინფიცირებულები 35 წლის მამაკაცი და მისი მშობლები არიან.

ანალიზები მამაკაცის მეუღლეს და მცირეწლოვან შვილსაც აუღეს და პასუხები მოგვიანებით გახდება ცნობილი.