მექსიკის საგარეო საქმეთა სამინისტროს განცხადებით, აშშ-მექსიკის საზღვარზე გადაადგილების დროებითი შეზღუდვა 30 დღით გახანგრძლივდება.
„კორონავირუსის გავრცელების შეფასების საფუძველზე მექსიკის შეთავაზებით აშშ-თან საერთო სახმელეთო საზღვარზე გადაადგილების შეზღუდვა კიდევ 30 დღით გახანგრძლივდება“, - განაცხადეს მექსიკის საგარეო უწყებაში.
ორ ქვეყანას შორის სასაზღვრო შეზღუდვები 21 მარტიდან მოქმედებს. შეზღუდვა ყველა არაარსებით გადაადგილებას ეხება.