აშშ-ის ეროვნული უსაფრთხოების სააგენტო რუსეთს ინფორმაციის მოპარვის მიზნით კიბერთავდასხმაში ადანაშაულებს. ანალოგიური ინფორმაცია გაავრცელა კანადის კომუნიკაციების უსაფრთხოების ცენტრმა.

აშშ-ის ეროვნული უსაფრთხოების სააგენტოს განცხადებაში საუბარია ჰაკერულ ჯგუფებზე – „მყუდრო დათვსა“ და „ჰერცოგებზე“, რომლებიც რუსეთს სპეცსამსახურებთან არიან დაკავშირებული.

აშშ-ში აცხადებენ, რომ კიბერდამნაშავეებს „შეუძლიათ, მოიპარონ ინფორმაცია და ინტელექტუალური საკუთრება, რომელიც დაკავშირებულია „კოვიდ-19“-ის საწინააღმდეგო ვაქცინების შემუშავებასა და ტესტირებასთან. კანადის სადაზვერვო სააგენტოს მიერ წარმოდგენილ ტექნიკურ რეკომენდაციებში ნათქვამია, რომ „მყუდრო დათვებმა“ ინფორმაციის მოპარვის მიზნით პროგრამები „ველმესი“ და „ველმეილი“ გამოიყენა.