კორონავირუსის წინააღმდეგ ვაქცინამ, რომელსაც ოქსფორდის უნივერსიტეტი ფარმაცევტულ კომპანია AstraZeneca-სთან ერთად ქმნის, იმედის მომცემი შედეგები აჩვენა ადამიანებზე ტესტირებისას.

ვაქცინამ როგორც დამცავი გამანეიტრალებელი ანტისხეულების, ასევე იმუნური T- უჯრედების დონე გაზარდა. კვლევის შედეგები დღეს სამედიცინო ჟურნალ The Lancet-ში გამოქვეყნდა.

მიუხედავად იმისა, რომ გამანეიტრალებელი ანტისხეულების წარმოება არ ნიშნავს იმას, რომ ვაქცინა ეფექტური იქნება, ის ტესტირების მნიშვნელოვან ადრეულ ნაბიჯად მიიჩნევა. ცხოველებზე ჩატარებული ტესტირების შედეგებმა უკვე აჩვენა, რომ ვაქცინამ იმუნური რეაქცია გამოიწვია.