გასული დღე-ღამის განმავლობაში უკრაინაში კორონავირუსი 1 106 ადამიანს დაუდასტურდა. ბოლო თვის განმავლობაში ეს ახალი შემთხვევების ყველაზე მაღალი დღიური მაჩვენებელია.
აბსოლუტური რეკორდი კი ქვეყანაში 26 ივნისს დაფიქსირდა, როცა COVID-19-ის დიაგნოზი 1 109 პაციენტს დაუსვეს. ჯამში უკრაინაში კორონავირუსის შემთხვევების რაოდენობა 63 929-მდე გაიზარდა.
რაც შეეხება გარდაცვლილებს, ბოლო 24 საათის განმავლობაში ვირუსს 19 პაციენტი ემსხვერპლა, დაღუპულთა საერთო რაოდენობა კი 1 590-ს შეადგენს.