ახალ კორონავირუსზე გამოკვლევის მიზნით, ლილოს ბაზრობაზე მოვაჭრეების ტესტირება მიმდინარეობს. ბაზრობაზე დღის განმავლობაში 400-დან 500-მდე პირის პისიარტესტირება ხდება.
დაავადებათა კონტროლის ეროვნული ცენტრის ცნობით, პროცესმა უნდა მოიცვას ლილოს ბაზრობის აბსოლუტურად ყველა თანამშრომელი. მაღალი ეპიდემიოლოგიური რისკის გამო, ადგილზე სხვა ტიპის პრევენციული ღონისძიებებიც ტარდება.
ბაზრობის ტერიტორიაზე შემოწმების მიზნით იმყოფებოდნენ ასევე შრომის ინსპექციის წარმომადგენლები.
ამასთან, ბაზრობის შესასვლელებში ყველა პირს უტარდება თერმოსკრინინგი და ხელის დეზინფექცია, სავალდებულოა პირბადის გამოყენება. პირბადის გამოყენებისა და დისტანციის დაცვის აუცილებლობაზე ბაზრობის თანამშრომლებსა და მომხმარებლებს ადმინისტრაცია სპეციალური ხმოვანი შეტყობინებითაც აფრთხილებს.
Facebook
მხარე.ჯი YOUTUBE_ზე
მხარე.ჯი myvideo.ge_ზე
571804080
