გიორგი შაქარაშვილის გარდაცვალების საქმეზე ბრალდებულის, არჩილ გაგნიძის ადვოკატის, ვასილ მამულაშვილის განცხადებით, სასამართლოს დღევანდელ გადაწყვეტილებას, რომლის მიხედვითაც მისი დაცვის ქვეშ მყოფი კვლავ პატიმრობაში დარჩა, სააპელაციო სასამართლოში გაასაჩივრებს.

„არ ველოდით ამ გადაწყვეტილებას და გვეგონა, რომ სასამართლო სამართლებრივად სწორად მიუდგებოდა საქმეს. თუმცა თუ ფაქტობრივად, მანამდე არსებულ პრაქტიკას გავითვალისწინებთ, რა ხდება მცხეთის სასამართლოში, გადაწყვეტილება მოულოდნელი არ იყო. შესაბამისად, გადაწყვეტილება არის უკანონო და დაუსაბუთებელი. ეს შეგვიძლია, ვთქვათ. სასამართლოს დღევანდელ გადაწყვეტილებას ფორმალურად სააპელაციო სასამართლოში გავასაჩივრებთ“,- განაცხადა ადვოკატმა ვასილ მამულაშვილმა.

მცხეთის რაიონულმა სასამართლომ გიორგი შაქარაშვილის საქმეზე დაკავებული 11 პირის აღკვეთის ღონისძიების გადასინჯვის საკითხზე იმსჯელა და ყველა მათგანი პატიმრობაში დატოვა.