რეპერ Wiley-ს ანტისემიტიზმში ადანაშაულებენ. Facebook-მა, Twitter-მა და Instagram-მა ცნობილი ბრიტანელი რეპერის, პროდიუსერისა და დიჯეის, Wiley-ს ანგარიშები დაბლოკა. მიზეზი ანტისემიტური პოსტები გახდა.

ებრაელებს მან მხდალი და მუხანათი ერი უწოდა, რის გამოც სოციალურ ქსელებში მწვავე კრიტიკა დაიმსახურა.

მომხდარის გამო კომპანია A-List Management-მა მუსიკოსთან თანამშრომლობა შეწყვიტა. 

„ჩვენს საზოგადოებაში ანტისემიტიზმის ადგილი არ არის“, - განაცხადა Wiley-ს მენეჯერმა ჯონ ვულფმა.

მოგვიანებით რეპერმა სოციალურ ქსელებში გამოქვეყნებული პოსტების გამო ბოდიში მოიხადა და განაცხადა, რომ რასისტი არ არის.

წყარო - imedinews.ge