ინდოეთში კორონავირუსით ინფიცირების მაჩვენებელი რეკორდულად გაიზარდა. ინდოეთის ჯანდაცვის სამინისტროს ინფორმაციით, გასული დღე-ღამის განმავლობაში, ქვეყანაში ახალი კორონავირუსი 57 000-ზე მეტ ადამიანს დაუდასტურდა, რაც ეპიდემიის დაწყების შემდეგ, ყველაზე მაღალი მაჩვენებელია.
ინდოეთში ბოლო ერთ დღეში კორონავირუსულ ინფექციას 764 ადამიანი ემსხვერპლა, ეპიდემიის დაწყებიდან ამ დრომდე კი კოვიდ – 19-ით ჯამში 36 511 ადამიანი გარდაიცვალა.
ინდოეთის ჯანდაცვის სამინისტროს ცნობით, უკვე მესამე დღეა, რაც ქვეყანაში ყოველდღიურად ინფიცირების 50 000-ზე მეტი შემთხვევა ვლინდება.