41 წლის თამუნა მინაშვილს საკეისრო კვეთა ჩაუტარდა, რის შემდეგაც იგი გარდაიცვალა. ახალშობილები გადარჩნენ და მათი მდგომარეობა დამაკმაყოფილებელია. რა გახდა გარდაცვალების მიზეზი, ამ დროისთვის უცნობია.
როგორც გარდაცვლილი ქალის ახლობელი აცხადებს, ოჯახი ექსპერტიზის ჩატარებას ითხოვს.
"თავზარდაცემულია ოჯახი, გარდაცვალების მიზეზი ჯერ არავინ იცის. თამუნას სხვა შვილები არ ჰყავდა. 9-წლიანი ლოდინის შემდეგ გახდა დედა და ახლა ეს საშინელება მოხდა. ოჯახი ექსპერტიზის ჩატარებას ითხოვენ. ბავშვები კარგად არიან, ამჟამად ინტენსიური თერაპიის განყოფილებაში იმყოფებიან", - აღნიშნა "ამბებთან" საუბარში გარდაცვლილის ოჯახის ახლობელმა.
საამედიცინო დაწესებულებაში მოხდარის შესახებ კომენტარი არ აკეთებენ.
კლინიკა „ჰერაში” მშობიარე ქალის გარდაცვალების ფაქტზე გამოძიება დაიწყო. როგორც შსს-ში აცხადებენ, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.